Türkiyə sərhədlərində son yaşayış məntəqələri İŞİD-dən azad edildi
Türkiyə ordusunun Suriyada həyata keçirdiyi “Fərat qalxanı” əməliyyatı çərçivəsində Türkiyə sərhədlərində İŞİD terror təşkilatının nəzarətinə tamamilə son qoyulub.
APA TV-nin "Anadolu" agentliyinə istinadən verdiyi məlumata görə, Türkiyə ordusunun dəstəyi ilə müxalif Azad Suriya Ordusu Türkiyə-Suriya sərhədində, Cerablus-Çobanbəy xəttində son yaşayış məntəqələrini də azad edib.
Bununla da İŞİD terror təşkilatının Türkiyə sərhədləri ilə təması kəsilib.
Qeyd edək ki, Türkiyə ordusu “Fərat qalxanı” əməliyyatını avqustun 24-də başlayıb, Cerablus bölgəsinə Türkiyə ordusunun tank birlikləri daxil olub. Həmin gün Türkiyə ordusunun dəstəyi ilə Cerablus şəhəri İŞİD terror təşkilatından azad edilib. Sentyabrın 3-də isə, Çobanbəy qəsəbəsi istiqamətində Türkiyə ordusunun tankları Suriyaya daxil olub, “Fərat qalxanı” əməliyyatının ikinci mərhələsi başlayıb. Məqsəd Cerablus və Çobanbəy istiqamətində İŞİD-i sıxışdıraraq Türkiyə sərhədlərində İŞİD terror təşkilatının nəzarətindəki son yaşayış məntəqələrini azad etmək olub.
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
