Türkiyə ordusu PYD mövqelərini növbəti dəfə bombaladı
Türkiyə ordusu PYD/YPG-nin Cerablus bölgəsinin Tilemarne kəndindəki mövqelərini uzaqvuran toplardan atəşə tutub. Bundan başqa Tilemarne Türkiyə təyyarələri tərəfindən bombardman edilib.
APA TV-nin xəbərinə görə, bunu YPG-nin daxil olduğu Suriya Demokratik Qüvvələrinin xarici əlaqələr üzrə nümayəndəsi Abdulaziz Yunus deyib. Hadisə bu gün səhər baş verib. Türkiyə Silahlı Qüvvələri “Fırtına” topları və hərbi təyyarələr vasitəsilə Cerablusun 8 km cənubunda yerləşən Tilemarne kəndinə zərbələr endirib. A. Yunus bombardman nəticəsində ölənlər və yaralananlar olduğunu bildirib.
Yunus, Cerablusun cənubunda YPG-nin olmadığını, orada Menbiş Hərbi Məclisi döyüşçülərinin olduğunu qeyd edib. Türkiyə bundan əvvəl Afrin, Kobani və Derik bölgəsində YPG mövqelərini toplarla vurmuşdu. Xatırladaq ki, Türkiyə PYD və YPG-dən Fərat çayının qərb sahilindən geri çəkilməyi tələb edib. ABŞ da bu tələbi dəstəkləyib.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
