Erol Mütercimler: "Hökumət düzgün araşdırma aparsa, AKP siyasilərinin 60 faizi FETÖ üzvü çıxacaq"
"AKP-nin siyasi strukturunun 60 faizi FETÖ-çü çıxacaq". APA TV-nin xəbərinə görə, bu fikri Ergenekon davasından həbs olunmuş tədqiqatçı Erol Mütercimler bildirib. Onun sözlərinə görə, gülənçilər 80-ci illərdən Türkiyə ordusuna soxulmağa başlayıb.
"Camaatın 1986-cı ildə imtahan suallarını oğurlayıb adamlarını orduya soxduqları bilinir. 1994-cü ildə məzun olmuş general-mayor və kontr-admirallar qarşımıza hərbi çevrilişlə çıxdılar. Necdet Özel dönəmi çox sayda generalın vəzifəyə yüksəldilməsi və FETÖ-çülərin ordunun üst strukturlarına ayaq açması ilə nəticələndi".
Tədqiqatçı bildirib ki, Gülən camaatının orduda möhkəmlənməsində siyasətçilərin böyük rolu olub: "Unutmayaq ki, Bülent Ecevit bunlardan bir neçəsini millət vəkili etdi. Hazırda CHP-nin içində Gülən camaatından millət vəkilləri var. Əgər düzgün təhqiqat aparılsa, AKP elitasının 60 faizi FETÖ-çü çıxacaq. Mən hansısa formada Gülən camaatı ilə yolu kəsişən, yaxud FETÖ ilə sıx əlaqəsi olan AKP üzvlərindən bəhs edirəm".
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
