Balakəndə narkotik bitkilər əkib-becərən şəxslər saxlanıldı
Balakəndə narkotik tərkibli bitkilərin qanunsuz əkib-becərilməsi və narkotik vasitələri qanunsuz saxlamaqda təqsirləndirilən rayon sakinləri həbs edilib.
Balakən rayon Polis Şöbəsindən APA TV-yə verilən məlumata görə, rayon ərazisində narkotik tərkibli bitkilərin əkib-becərilməsi ilə məşğul olan və narkotik vasitələrdən qanunsuz istifadə edən şəxslərin tapılaraq istintaqa cəlb edilməsi istiqamətində növbəti əməliyyat-axtarış tədbiri keçirilib.
Nəticədə rayonun Qullar kənd sakini, 1978-ci il təvəllüdlü Rəsul Nizami oğlu Yetimovun yaşadığı evin həyətyanı sahəsində aqrotexniki qaydada əkilən 3 ədəd narkotik tərkibli bitki hesab olunan çətənə kolu aşkar edilərək götürülüb. Rəsul Yetomovun yaşadığı evdən isə 45,21 qram narkotik vasitə hesab edilən qurudulmuş marixuana götürülüb.
Əməliyyat-axtarış tədbiri zamanı Balakən şəhəri, Ə.Əfəndiyev küçəsi, ev 9 ünvanında yaşayan 1962-ci il təvəllüdlü Əsədullah İsa oğlu Qurbanovun yaşadığı evin həyətyanı sahəsindən 3 ədəd dibçəkdə əkilmiş çətənə kolu, yaşadığı evdən isə 2 kq 805 qr narkotik vasitə hesab edilən qurudulmuş marixuana aşkar edilərək götürülüb.
Hər iki şəxs barəsində Balakən rayon məhkəməsinin qərarı ilə həbs-qətimkan tədbiri seçilib. Faktla bağlı Balakən RPŞ-də araşdırma aparılır.
Vüqar Heydərov
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
