Şimali Koreya üç raketin sınağını birdən keçirdi
Şimali Koreya növbəti raket sınağını həyata keçirib. APA TV-nin "Euronews"a istinadən verdiyi məlumata görə, buraxılan üç raketin hədəf məsafəsi 500-600 km-ə qədər olub.
Bu raketlər Cənubi Koreyada istənilən nöqtəni rahatlıqla vurmaq imkanına malik olub, "Nodon" tipli, sovet istehsalı olan və daha çox "Skad" olaraq tanınan, məşhur RK 9K72 "Elbrus"-un müasirləşdirilmiş versiyasıdır.
"Şimali Koreya yalnız nüvə sınaqları ilə kifayətlənmir, ballistik raket sınaqlarını da intensivləşdirir. Əvvəllər isə bu, nadir hallarda qeydə alınırdı", - deyə, Cənubi Koreyanın baş naziri Xvan Qe An bildirib. O qeyd edib ki, rəsmi Seul ölkənin təhlükəsizliyindən ciddi narahatdır.
Xatırladaq ki, iyulun əvvəlində Seul və Vaşinqton THAAD amerikan zenit-raket kompleksinin döyüş vəziyyətinə gətirilməsi barədə qərar veriblər. Pxenyan isə bunu "düşmən addımı" adlandırıb və cavab addımları atacağını bəyan edib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
