İtaliya mafiyasının "Traktor" ləqəbli bossu öldü
İtaliya mafiyasının bossu sayılan şəxs ölüb. APA TV-nin Vesti.az-a istinadən məlumatına görə, Bernardo Provensiano Milan xəstəxanalarının birində dünyasını dəyişib.
83 yaşlı mafioz uzun illər xərçəng xəstəliyindən əziyyət çəkib.
Provensiano törətdiyi cinayətlərə görə hüquq-mühafizə orqanlarından 43 il gizlənə bilib. O, yalnız 2006-cı ildə ələ keçib və ömürlük həbs cəzasına məhkum edilib. Parma həbsxanalarından birində cəza çəkən mafioz bir neçə qətl hadisəsində ittiham edilib. Onun qurbanlarından ikisi məhkəmə hakimi olub. 2014-cü ildə isə Provensiano xəstəliyi ilə əlaqədar Milandakı San-Paolo xəstəxanasına köçürülüb.
Məşhur cinayətkar Siciliya mafiyasına 1993-cü ildən rəhbərlik etməyə başlayıb. O, buna "Toto" ləqəbli Salvatore Riininin həbsindən sonra nail olub.
Dünyasını dəyişən mafiozun ləqəbi isə "Traktor" olub. Bu ləqəb ona insanları qəddarcasına "biçdiyi" üçün verilib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
