Klinton vitse-prezidentinin adını açıqladı
ABŞ prezidentliyinə Demokratlar Partiyasından namizəd Hillari Klinton NATO qüvvələrinin Avropadakı qüvvələrinin sabiq komandanı admiral Ceyms Stavridisi vitse-prezident postuna namizəd qismində gördüyünü açıqlayıb.
APA TV-nin "Reuters"ə istinadən verdiyi xəbərə görə, 61 yaşlı Ceyms Stavridis Klinton ABŞ-ın dövlət katibi vəzifəsində çalışdığı dövrdə NATO qüvvələrinin Avropadakı qüvvələrinin komandanı olub.
ABŞ vitse-prezidentliyinə Demokratlar Partiyasından namizədin adının yaxın günlərdə rəsmi elan olunacağı gözlənilir.
ABŞ prezidentliyinə Respublikaçılar Partiyasından namizəd Donald Tramp isə vitse-prezident postuna namizədinin adını iyulun 15-də açıqlayacağını bildirib. O, vitse-prezident postuna 5 nəfərin namizədliyini nəzərdən keçirdiyini bildirib. Bir həftə öncə isə o, 9 namizədin olduğunu bildirmişdi.
Hazırda Trampın potensial namizədləri arasında ABŞ Nümayəndələr Palatasının sabiq spikeri Nyut Qinqriç, İndiana qubernatoru Mayk Pens, Nyu-Cersi qubernatoru Kris Kristi və ABŞ ordusunun istefada olan general-leytenantı Maykl Flinin adı hallanır.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
