Bakıda yüksək sürətin nəticəsi: "KİA" "Mercedes"i vurub, ağacı iki yerə böldü
Bakıda yüksək sürət yol qəzasına səbəb olub. APA TV-nin məlumatına görə, hadisə Xətai rayonu, Nobel prospektində qeydə alınıb.
Şəhriyar Daşdəmirov kirayə götürdüyü "KİA" markalı avtomobillə Hövsan istiqamətində yüksək sürətlə hərəkətdə olarkən döngədə idarəetməni itirib. Nəticədə qarşı yola keçən "KİA" əvvəlcə "Mercedes"ə, daha sonra isə ağaca çırpılıb. Zərbənin təsiri o qədər güclü olub ki, ağac iki yerə bölünüb. Qəza zamanı xəsarət alan olmasa da, avtomobil yararsız hala düşüb.
Hadisə yerinə Dövlət Yol Polisinin əməkdaşları gəliblər. "KİA"nın sürücüsü Ş.Daşdəmirov sərxoşluq müayinəsindən keçirilib. Müayinə nəticəsində sürücünün sərxoş olmadığı müəyyən olunub. Daha sonra avtotexniki ekspertiza təyin olunub.
Faktla bağlı araşdırma davam etdirilir.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
