BVF: OPEK-in qərarı neftin qiymətini artıracaq
Beynəlxalq Valyuta Fondunun mütəxəssisləri OPEK-in 2014-cü ildə açıqlanan inkişaf strategiyasını təhlil ediblər.
APA TV-nin Rusiya mətbuatına istinadən xəbərinə görə, aparılan araşdırmalar zamanı təşkilatın bazardakı iştirak payının artırılmasına yönələn siyasətinin heç bir nəticə vermədiyi açıqlanıb.
Analitiklərin qənaətincə, 2020-ci ildə OPEK-in bazardakı payının məhdudlaşdırılması halında neftin bir barelinin qiyməti 75 dollaradək artacaq.
Fondun yaydığı sənəddə eyni zamanda OPEK-in neft bazarındakı iştirak payının hazırda 42 faiz olduğu bildirilib.
Həmçinin o da qeyd olunub ki, "qara qızılın" qiymətinin artırılmasına nail olmaq üçün qurum bu rəqəmi 35 faizə endirməklə bərabər, təchizatı 7 milyon barelə qədər azaltmalı, o cümlədən ABŞ-a məxsus şirkətlərin bazardan çıxarılması ideyasını da unutmalıdır.
Fonddan bildirilib ki, əgər təşkilat 2020-ci ilədək bazardakı mövcud payını əhəmiyyətli dərəcədə azaltmazsa, 1 barel neftin qiyməti 58 dollar civarında tərəddüd edəcək.
Qeyd edək ki, 2016-cı ilin iyun ayında Beynəlxalq Valyuta Fondunun ekspertləri cari ildə neftin ortalama qiymətinin 36, 2017-ci ildə 42, 2021-ci ilədək olan uzunmüddətli proqnozlarda isə 51 dollar olacağını bildirmişdilər.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
