ABŞ-da polisləri snayperlə vurdular: 4 ölü, 11 yaralı
Dallasda iğtişaşlar zamanı dörd polis əməkdaşı həlak olub, daha 11 nəfəri yaralanıb.
APA TV-nin Rusiya mətbuatına istinadən verdiyi xəbərə görə, bu barədə yerli polis idarəsinin açıqlamasında bildirilir.
Luiziana və Minesota ştatlarında iki qaradərili şəxsin polis əməkdaşları tərəfindən qətlə yetirilməsinin səbəb olduğu iğtişaşlar zamanı naməlum şəxslər Diley Plaza rayonu ərazisində asayiş keşikçilərinə snayper tüfənglərindən atəş açıblar. Nəticədə dörd polis əməkdaşı hadisə yerində həlak olub, daha on biri ağır yaralanıb. Onlardan üçünün vəziyyətinin kritik olduğu bildirilir.
Atəş açan şəxslər hadisə yerini tərk ediblər. Polisdən atəşin iki silahlı şəxs tərəfindən açıldığı bildirilib. Məlumatda həmçinin həmin şəxslərin polis əməkdaşlarını Dallasın mərkəzində partlayış törətməklə hədələdikləri deyilib.
Son informasiyaya görə, polis əməkdaşlarına atəş açan şəxslər saxlanılıb. Onlardan biri könüllü şəkildə polis idarəsinə gələrək təslim olub, digərini isə xüsusi təyinatlılar həbs edib.
Hazırda hadisənin hansı səbəbdən törədildiyi araşdırılır.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
