Uels millisi tarix yazdı
Uels millisi futbol üzrə Avropa çempionatının 1/4 mərhələsində Belçika yığmasını məğlub edib. APA TV-nin məlumatına görə, Lill şəhərində keçirilən qarşılaşma Uels millisinin 3:1 hesablı gözlənilməz qələbəsi ilə başa çatıb.
Oyunda hesabı Belçika millisi açıb. 13-cü dəqiqədə Raca Nainqqolan uzaq məsafədən baxımlı qol vurub.
Bundan 18 dəqiqə sonra Uels millisinin müdafiəçisi Eşli Uilyams bərabərliyi təmin edib.
Qarşılaşmanın ilk hissəsi bərabərliklə bitib.
56-cı dəqiqəsə hücumçu Robson-Kanu gözəl fəndlərlə Belçika millisinin üç futbolçusunu aldadıb və komandasını hesabda irəli çıxarıb.
Oyunda son nöqtə 86-cı dəqiqədə vurulub. Sem Vouks belçikalıların kiçik ümidlərinin də üstündən xətt çəkib - 3:1
Beləliklə, Uels millisi Avro-2016-nın yarımfinalına çıxıb. Uelslilərin iyulun 6-da keçiriləcək yarımfinal oyunundakı rəqibi Portuqaliya millisi olacaq. Çempionatın ən güclü heyətlərindən birinə malik olan Belçika millisi isə evə qayıdır.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
