Azərbaycanda 30 iyunun Sevgi Günü kimi qeyd olunması təklif edilir
Qarşıdan 30 iyun Sevgi Günü gəlir. Artıq bir neçə ildir ənənəvi olaraq 20 Yanvar şəhidləri İlhamla Fərizənin toy günü - 30 iyun Sevgi Günü qeyd edilir. Bu il də istisna olmadı.
Azərbaycan Vətən Müharibəsi Veteranları Birliyinin Səbayel rayon təşkilatının ofisində Qarabağ Qaziləri İctimai Birliyinin təşkilatçılığı ilə baş tutan tədbir iştirakçıları öncə Şəhidlər Xiyabanında İlham və Fərizənin məzarını ziyarət edərək gül dəstələri qoydular.
Tanınmış jurnalist İlham Tumasın aparıcılıq etdiyi tədbirdə millət vəkilləri Fəzail İbrahimli, Qənirə Paşayeva, Aydın Mirzəzadə, Aydın Əliyev, Aqil Abbas, xalq şairi Sabir Rüstəmxanlı İlham və Fərizənin sevgi hekayəti, Sevgi Gününün əhəmiyyəti barədə fikirlərini bölüşüblər.
“Bizdə bayram günləri çoxdur. Nədən sevgi bayramımız olmasın? Bu günün elan olunması yaxşı olardı. Bu, insanların düşüncəsindən 14 fevralı silərək, 30 iyuna çevirə bilməyimizə dəstək olar. Biz bu məsələni daim səsləndiririk. İnanırıq ki, tərəfdarları daha da çoxalar”.
Azərbaycanın əməkdar artisti Ağalar Bayramov isə ürək sözlərini şeirlə dilə gətirib.
Daha sonra İlham Tumasın müəllifi olduğu film təqdim edilib.
Apa.tv
OXŞAR XƏBƏRLƏR
15:18
963
Rusiyadan Ermənistana Azərbaycandan tranzit keçməklə növbəti yük yola salındı
16:26
1926
Növbəti köç karvanı Xankəndiyə çatıb
13:52
1923
Xankəndiyə növbəti köç karvanı YOLA SALINIB
19:05
1062
“Toxumçuluq haqqında” yeni qanun qüvvəyə minib
19:04
691
Dövlət başçısı: Azərbaycan sülh üçün səylərini bundan sonra da davam etdirəcək
12:35
794