İtaliya millisindən Türkiyəni üzən məğlubiyyət
Futbol üzrə Avropa çempionatının E qrupunda son turun oyunları keçirilib. APA TV-nin məlumatına görə, qrupun üç komandası növbəti mərhələyə yüksəlməklə yanaşı, Türkiyə millisinin cüzi şansının üstündən də xətt çəkilib.
Belçika millisi qrup mərhələsinin son oyununda İsveç yığması ilə qarşılaşıb. Qarşılaşma belçikalıların 1:0 hesablı qələbəsi ilə başa çatıb. Oyundakı yeganə qol 84-cü dəqiqədə vurulub. Bu nəticə İsveç millisinin mübarizəni dayandırması ilə nəticələnib.
Belçika-İsveç oyunu Türkiyə millisinə 1/8 finala yüksəlmək ümidi versə də, paralel keçirilən İtaliya-İrlandiya oyununun nəticəsi türklər üçün üzücü olub. Əsas heyətdəki futbolçuların əksəriyyəti, o cümlədən qapıçı Canluici Buffonsuz meydana çıxan İtaliya millisi məğlub olub. Türkiyə millisini evə göndərən qol 84-cü dəqiqədə vurulub. Robbi Breydi İrlandiya millisinin qələbə qolunu vurub.
Beləliklə, E qrupundan İtaliya, Belçika və İrlandiya milliləri növbəti mərhələyə vəsiqə qazanıb.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
