İsmayıllıda torpaq sürüşməsi: Basqal-Sulut yolu bağlandı
İsmayıllı rayonunun Basqal-Sulut yolunda torpaq sürüşməsi baş verib. APA TV-nin yerli bürosunun xəbərinə görə, hadisə İsmayıllı rayonunun Basqal-Sulut yolunun 10-cu kilometrliyində qeydə alınıb.
Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin nümayəndələri əraziyə baxış keçirərək bildiriblər ki, hadisəyə son günlər rayona düşən intensiv yağıntılar səbəb olub. Ərazidə uzunluğu 3 kilometr, eni 120-140 metr olan sürüşmə sahəsi yaranıb.
Hadisə zamanı Basqal-Sulut avtomobil yolu bağlanıb, Sulut kəndinin rayon mərkəzi ilə avtomobil əlaqəsi kəsilib. Dərhal əraziyə “Azəravtoyol” Səhmdar Cəmiyyətinin 7 saylı Yol İstismar İdarəsinin ağır texnikası və canlı qüvvəsi cəlb olunub, sürüşmə ərazisində alternativ yol çəkilişinə başlanılıb. Əhalinin və avtomobillərin hərəkəti qismən bərpa edilib. 5 kilometr uzunluğu olan alternativ yol sürüşmə zonasından kənar keçir. Hazırda ərazidə işlər davam etdirilir və günün sonunadək yolda avtomobillərin hərəkəti tam bərpa olunacaq.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
