Bundestaqın qərarına Ərdoğan və Merkel münasibət bildirdi
Almaniya Bundestaqında 1915-ci il qondarma "erməni soyqırımı"nın tanınmasına dair qanun layihəsinin qəbul edilməsinə Türkiyə prezidenti Rəcəb Tayyib Ərdoğan da münasibət bildirib.
APA TV-nin Türkiyə mətbuatına istinadən xəbərinə görə, Keniyada səfərdə olan Ərdoğan bu qərarın Almaniya-Türkiyə əlaqələrinə təsir edəcəyini vurğulayıb.
"Baş nazirlə danışdım. İlk işimiz Almaniyadakı səfirimizi məsələni müzakirə etmək üçün geri çağırmaq oldu. Almaniya parlamentinin qəbul etdiyi qərar Almaniya-Türkiyə münasibətlərinə təsir edəcək. Döndükdən sonra dəyərləndirmə aparılacaq. Necə addım atacağımıza baxacağıq" - deyə o qeyd edib.
Almaniyanın baş naziri Angela Merkel də "soyqırım" qərarı ilə bağlı açıqlama verib. Merkel "Almaniyanın Türkiyə ilə münasibətləri güclüdür", - deyə qeyd edib.
Merkellə görüşən NATO-nun baş katibi Yens Stoltenberq isə "Türkiyə ilə Ermənistan münasibətlərinin ən qısa zamanda normallaşmasını umuruq", - deyə vurğulayıb.
Xatırladaq ki, bu gün Almaniya Bundestaqında 1915-ci il qondarma "erməni soyqırımı"nın tanınmasına dair qanun layihəsi müzakirəyə çıxarılaraq qəbul edilib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
