Oğuzda ŞOK: Ayı uşaq bağçasına hücum etdi
Oğuz rayonunun Xalxal kəndi yaxınlığında yerləşən meşə sahəsindən ayı kəndə hücum edib. Bu barədə APA-ya açıqlamasında Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sektor müdiri Raqub Mirzəyev məlumat verib.
O bildirib ki, kənd camaatı səs-küy salmaqla ayını meşə sahəsinə qaytarmağa cəhd etsə də, ayı kəndə daxil olaraq, bir inəyə xəsarət yetirib, bir avtomobilə ziyan vurub.
Raqub Mirzəyev qeyd edib ki, ayı sonra uşaq bağçasının həyətinə daxil olub. Həmin vaxt orada 50-dən çox uşaq olub. Belə olan halda həmin bağçanın yanında yaşayan Fazil Şükürov ayıya atəş açaraq onu öldürüb. Xoşbəxtlikdən heç bir uşaq xəsarət almayıb.
Hazırda ayının quduz olub-olmamasını müəyyən etmək üçün Dövlət Baytarlıq Nəzarəti Xidmətinin əməkdaşları tərəfindən araşdırmalar aparılır.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
