Lənkəranda 15 yaşlı yeniyetmə bıçaqlandı
Lənkəranda bıçaqlanma hadisəsi baş verib. APA TV-nin cənub bürosunun məlumatına görə, insident mayın 9-da axşam saatlarında şəhərin Xəzər dənizi sahilindəki ərazisində qeydə alınıb.
Lənkəran şəhər sakini, 15 yaşlı Yunus Elşad oğlu Əzimzadə naməlum şəxs tərəfindən bıçaqlanıb.
Boyun nahiyəsinin və sağ əlinin kəsilmiş-deşilmiş yarası xəsarətləri alan zərərçəkən dərhal ətrafdakıların köməyi ilə Lənkəran Mərkəzi Rayon Xəstəxanasına çatdırılıb. Burada onun üzərində cərrahiyyə əməliyyat aparılıb, yaraları tikilib. Hazırda Yunus Əzimzadənin vəziyyəti orta-ağır qiymətləndirilir.
Hadisəni törətmiş şəxs isə istintaqdan yayınıb. Faktla bağlı Lənkəran Şəhər-Rayon Polis Şöbəsində araşdırmalara başlanılıb. Yeniyetməyə xəsarət yetirmiş şəxsin saxlanılması istiqamətində zəruri istintaq-əməliyyat tədbirləri görülür.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
