Sabirabadda iki avtomobil toqquşdu: bir ailənin beş üzvü xəsarət aldı
Sabirabad rayonunda baş verən yol qəzasında bir ailənin beş üzvü ağır xəsarətlər alıb.
APA TV-nin Mil-Muğan bürosunun məlumatına görə, hadisə bu gün səhər saat 7.00 radələrində Hacıqabul-Bəhrəmtəpə magistralının 18-ci kilometrliyində, Sabirabad rayonunun Nizami kəndində qeydə alınıb.
“Mercedes” markalı, 01 BR 882 dövlət nömrə nişanlı avtomobillə İmişli rayon sakini, 1985-ci il təvəllüdlü Muradov Raqif Ənvər oğlunun idarə etdiyi “VAZ-21099” markalı, 30 BF 792 dövlət nömrə nişanlı avtomobil toqquşub.
Nəticədə “VAZ-21099” markalı avtomobilin sürücüsü və sərnişinləri - 1975-ci il təvəllüdlü Müşkül Yolçu oğlu İmanov, 2002-ci il təvəllüdlü Elvin Müşkül oğlu İmanzadə, 2004-cü il təvəllüdlü Aysun Müşkül qızı İmanlı və 1984-cü il təvəllüdlü Gülarə Ənvər qızı İmanova ağır xəsarətlərlə Şirvan Şəhər Xəstəxanasına yerləşdirilib. İlkin ehtimala görə, hadisəyə səbəb “Mercedes” markalı avtomobilin “VAZ-21099” markalı avtomobilin hərəkət zolağına çıxması olub.
Faktla bağlı BDYPİ-də araşdırma aparılır.
Əlibəy Zeynallı
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
