Davudoğluna sui-qəsd hazırlayan İŞİD üzvləri həbs olundu
Türkiyənin Konya vilayətində İŞİD terror təşkilatının üzvü olan altı şəxs tutulub. Terrorçuların baş nazir Əhməd Davudoğluna sui-qəsd hazırladığı məlum olub.
Baş nazirin Konyada qatıldığı proqram zamanı terror aktı törətmək üçün hazırlıq görərkən yaxalanan terrorçular Suriya vətəndaşlarıdır.
Konya Polis İdarəsinin Terrorla Mücadilə Şöbəsi terrorçuları iki ay təqib edib. Polis İsa Almseytef adlı terrorçunu ötən gün gecə saatlarında kirayə qaldığı evdə yaxalayıb. Onun təşkilatçı olduğu və tədbir davam edən zaman ərazidə kəşfiyyat apardığı qeyd olunur. O, Türkiyə-Suriya sərhədində gözləyən kamikadzeyə təhlükəsizliyin yüksək səviyyədə olduğunu, hücumun baş tutmayacağı barədə informasiya verib. Bundan sonra kamikadze sərhədi keçməyib.
Konya Valisi Muammer Erol ümumilikdə 6 terrorçunun saxlandığını, onların polis idarəsində dindirildiyini bildirib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
