Türkiyədə növbəti terror: 5 şəhid
Türkiyənin Mardin vilayətində zirehli maşına terror hücumu nəticəsində 4 əsgər şəhid olub, 2 əsgər yaralanıb. Şırnak vilayətində keçirilən anti-terror əməliyyatı zamanı isə 1 polis əməkdaşı şəhid olub, 6 təhlükəsizlik əməkdaşı yaralanıb.
APA TV-nin məlumatına görə, Mardin vilayətinin Savur qəsəbəsində yola düzülmüş əldəqayırma partlayıcı hərbi maşın keçərkən partladılıb.
Hərbi maşın iki kənd arasında növbəyə gedən əsgərləri daşıyırmış. Partlayış nəticəsində 4 əsgər şəhid olub, 2 əsgər isə yaralanıb. Hadisədən sonra bölgədə geniş miqyaslı anti-terror əməliyyatı başlayıb.
Şırnak vilayətində isə PKK terrorçularına qarşı əməliyyat zamanı atışma olub. Terrorçuların polis əməkdaşlarına hücumu nəticəsində 1 polis əməkdaşı şəhid olub, 6 təhlükəsizlik əməkdaşı isə yaralanıb. Yaralılar Şırnak hospitalına və dövlət xəstəxanasına yerləşdirilib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
