Ermənilər döyüş meydanından çıxardıqları meyitlərin bir hissəsini açıqladı
Aprelin 2-dən 5-dək Azərbaycan və Ermənistan silahlı qüvvələri arasındakı qarşıdurma zamanı döyüş meydanında qalan hərbçilərin meyitlərinin götürülməsi prosesi başa çatıb.
APA TV-nin məlumatına görə, düşmən tərəf həmin ərazilərdən 5 hərbçisinin meyitini çıxardığını açıqlayıb.
Erməni mətbuatı onlardan ikisinin - 1996-cı il təvəllüdlü kiçik serjant Robert Abacyan, digəri 1996-cı il təvəllüdlü əsgər Andranik Zöhrabyan olduğunu təsdiqləyib.
Ermənistan Müdafiə Nazirliyinin mətbuat katibi Artsrun Ovannisyan isə öz "Facebook" səhifəsində daha üç hərbçinin meyitinin götürüldüyünü bildirib və onların fotolarını paylaşıb. Bunlar 1991-ci il təvəllüdlü leytenant Qraç Qalstyan, 1996-cı ildə doğulmuş əsgər Gevork Vardanyan və 1996-cı ildə anadan olan Tiqran Abqaryandır. Onların hər üçü Ermənistanın Gümrü şəhərindəndir.
Erməni mətbuatında döyüş meydanından meyitlərin götürülməsi prosesi zamanı Azərbaycan tərəfinin atəşkəsə əməl etdiyi təsdiqlənib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
