Novxanıda güclü yanğın: 30 nəfər təxliyə olundu
Bakının Binəqədi rayonu ərazisində güclü yanğın hadisəsi baş verib. APA TV-nin məlumatına görə, hadisə Novxanı qəsəbəsində, əsasən Qubadlı rayonundan olan məcburi köçkünlərin məskunlaşdığı “Liman” pansionatında qeydə alınıb.
Ötən gecə qəfildən pansionatda yanğın başlayıb. Hadisə yerinə FHN-in Dövlət Yanğından Mühafizə Xidmətinin canlı qüvvəsi və texnikası cəlb edilib. Binanın damından başlayan alovun söndürülməsi təxminən iki saat çəkib. Hadisə nəticəsində xəsarət alan olmayıb.
FHN-nin məlumatına görə, hazırda məcburi köçkünlərinin məskunlaşdığı birmərtəbəli inzibati binanın dam örtüyünün yanar konstruksiyaları 720 kv.m sahədə yanıb. Binanın qalan hissəsi yanğından mühafizə olunub. Yanğın zamanı mənzillərdən 30 nəfər sakin yanğınsöndürənlər tərəfindən təxliyə olunub.
Apa.tv
OXŞAR XƏBƏRLƏR
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
