Şimali Koreyanın sualtı qayığı yoxa çıxdı
Şimali Koreyanın sualtı qayığı ölkənin şərq sahillərində yoxa çıxıb. APA TV-nin Rusiya saytlarına istinadən xəbərinə görə, qayığın hərəkəti Amerika hərbçilərinin nəzarətində olub və onlar sualtı qayığın dayandığı nöqtəni görüblər. Bundan sonra isə qayıq yoxa çıxıb.
ABŞ tərəfi isə bu iddianı təkzib edib və bildirib ki, onlar yalnız qayığı hərəkətdə olarkən müşahidə edə biliblər. Vaşinqtondan bildirilib ki, böyük ehtimalla qayığın cihazlarında problem yaranıb və nəzarətdən çıxıb.
Xatırladaq ki, Koreya yarımadasında bu ilin əvvəlindən vəziyyət gərginləşib. Pxenyan yanvarın 6-da hidrogen bombasını sınaqdan keçirdikdən sonra nüvə başlıqlı raketlərin sınağını da intensivləşdirib. Pxenyan həmçinin ABŞ başda olmaqla onun müttəfiqlərini nüvə zərbələri ilə təhdid edib.
Buna cavab olaraq martın 7-dən isə ərazidə ABŞ və Cənubi Koreya son 40 ilin ən irimiqyaslı hərbi təlimlərinə start veriblər.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
