Bakıda avtobus yol polisinin saxlatdığı maşınlara çırpıldı: yaralılar var
Bakının Nərimanov rayonunda zəncirvari yol qəzası baş verib. APA TV-nin məlumatına görə, yol polisi əməkdaşları Ziya Bünyadov prospektində reyd keçirən zaman sürücülərinin sərxoş olub-olmadığını yoxlamaq üçün “Hyundai” və “Mercedes” markalı avtomobilləri saxlatdırıblar. Bu zaman arxadan yüksək sürətlə gələn sərnişin avtobusu “Mercedes”ə, o isə öz növbəsində “Hyundai”yə çırpılıb.
Qəza zamanı “Mercedes”in sürücüsü və avtomobildəki sərnişin xəsarətlər alıb. Əraziyə təcili tibbi yardım briqadası çağırılıb. Yaralılara hadisə yerində ilkin tibbi yardım göstərilib.
Yoxlama zamanı sərnişin avtobusunun sürücüsünün sərxoş olduğu müəyyən edilib. O, sərxoşluğun müayinəsi məntəqəsinə aparılıb. Qəza zamanı avtobusda sərnişin olmayıb.
Faktla əlaqədar araşdırma aparılır.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
