Neftin qiyməti 41 dollara çatdı, bahalaşma davam edir
Birjalarda neftin qiyməti bahalaşmaqda davam edir. APA TV-nin məlumatına görə, səhər seanslarında “Brent” markalı neftin 1 bareli 41 dollardan satılıb ki, bu da dünənki qiymətdən 1,30 dollar bahadır. Qərbi Texas nefti gün ərzində xeyli bahalaşıb. May ayının ikinci yarısı üçün bağlanan fyüçerslərdə WTI neftinin qiyməti 38,21 dollardan müəyyənləşib. Bu, 24 saat əvvəlki qiymətdən 1,58 dollar bahadır. WTI neftinin bahalaşmasına Amerika Neft İnstitutunun ölkənin neft ehtiyatlarına dair açıqladığı hesabat pozitiv təsir göstərib. Analitiklər ehtiyatların həcminin 3,9 milyon barel artacağını proqnozlaşdırsa da, açıqlanan hesabatda ehtiyatların 4,4 milyon barel artdığı göstərilib. Ölkənin benzin ehtiyatları isə azalaraq 4,5 milyon barelə çatıb. Bu xəbərlər Qərbi Texas neftinə tələbatı artırıb və nəticədə WTI nefti gün ərzində rekord dərəcədə dəyər qazanıb. Treyderlər qiymətlərin artım prosesinin bir müddət davam edəcəyini proqnozlaşdırılar.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
