Aydın Əliyev Cəlilabadda vətəndaşları qəbul edib
Martın 4-də Dövlət Gömrük Komitəsinin (DGK) sədri, gömrük xidməti general-leytenantı Aydın Əliyev Cəlilabad şəhərindəki Heydər Əliyev Mərkəzində Cəlilabad, Biləsuvar, Neftçala və Salyan rayonlarından olan vətəndaşları qəbul edib.
APA TV-nin cənub bürosunun məlumatına görə, qəbula gələn vətəndaşların müraciətlərinin əksəriyyəti işə qəbul, malların idxal ixracı, bununla əlaqədar sənədləşmə qaydaları və digər gömrük məsələləri ilə bağlı olub.
Qəbul zamanı DGK sədri hər bir vətəndaşın müraciətini diqqətlə dinləyərək, qaldırılan məsələlərin qanunvericiliyə uyğun həlli barədə tabeliyindəki strukturların rəhbərlərinə tapşırıqlarını verib.
Vətəndaşlar tərəfindən qəbul prosesi zamanı qaldırılan məsələlərin bir qismi yerindəcə həllini tapıb. DGK-nın səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılmaqdan ötrü qeydiyyata alınıb və nəzarətə götürülüb.
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
