AŞPA sədri: "Səfərimin məqsədi Azərbaycanda demokratiyanın inkişafına töhfə verməkdir"
"Səfərimin məqsədi əməkdaşlığı daha da inkişaf etdirmək və Azərbaycanda demokratiyanın inkişafına töhfə verməkdir". APA TV-nin məlumatına görə, bunu Azərbaycanda səfərdə olan Avropa Şurası Parlament Assambleyasının sədri Pedro Aqramunt deyib.
O, səfəri çərçivəsində QHT və media nümayəndələri ilə görüşdüyünü bildirib: "Bu gün Milli Məclisdə Azərbaycanın AŞPA-dakı nümayəndə heyəti ilə görüşəcəyəm. Sabah səhər isə ölkə prezidenti və xarici işlər naziri ilə görüşəcəyəm. Təkcə AŞPA ilə deyil, baş katiblik və Venesiya Komissiyası ilə də əməkdaşlığı təkmilləşdirmək üçün hansı addımları atmağın mümkünlüyü barədə müzakirələr aparacağıq. Düşünürəm ki, bu əməkdaşlıq pis deyil. Amma onu daha irəli aparmağın yollarını müzakirə edəcəyik", - deyə o vurğulayıb.
Həbsdə olan şəxslərin vəkilləri ilə görüşdüyünü deyən Pedro Aqramunt həmin görüşlərdə açıq müzakirələrin olduğunu qeyd edib.
Xatırladaq ki, bu gün Pedro Aqramunt Fəxri Xiyabanı və Şəhidlər Xiyabanını ziyarət edib.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
