İran və İraq da neft hasilatını azaltmaq danışıqlarına qoşulacaq
Neft hasilatının azaldılmasına dair neft ölkələri arasında danışıqların növbəti raunduna İran və İraq da qoşulacaq. APA Tv-nin məlumatına görə, bu barədə Venesuelanın neft naziri Evloxio dle Pino açıqlayıb. O, növbəti raundun sabah keçiriləcəyini deyib.
Xatırladaq ki, artıq 4 iri neft ölkəsi - Rusiya, Səudiyyə Ərəbistanı, Qətər və Venesuela digər ölkələr bu təşəbbüsə qoşulacaqları təqdirdə neft hasilatını azaltmaq barədə razılığa gəliblər.
Hazırda istər OPEK ölkələrində, istərsə də Rusiyada neft hasilatı rekord səviyyəyə çatıb. ABŞ-da hasilat 5 faiz aşağı düşsə də, iki il əvvəl ilə müqayisədə yenə də yüksək həddədir.
OPEK üzvləri və Rusiya arasında razılaşma xəbərindən sonra dünya birjalarında “Brent” markalı neftin qiyməti 35,42 dollara çatıb. Danışıqlar uğurla başa çatarsa, qiymətlərin 40-42 dollar səviyyəsində stabilləşəcəyi istisna edilmir.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
