Türkiyədə azərbaycanlının qətlinin üstü 10 il sonra açıldı: qatil də azərbaycanlı çıxdı
Türkiyənin Bursa vilayətində 10 il əvvəl törədilmiş qətlin üstü açılıb, hadisəni törədən azərbaycanlı bu il fevralın 12-də saxlanılıb.
APA TV-nn məlumatına görə, azərbaycanlı Rafael M. 2006-cı il fevralın 12-də qətl törətdiyini etiraf edib. Hazırda Bursada yaşayan və taxta-şalban alveri ilə məşğul olan Rafael M. polisə ifadəsində bildirib ki, Rusiya vətəndaşı Mehralı Abbasovu şəxsi münaqişə zəminində qətlə yetirib. Buna səbəb kimi, M. Abbasovun onun qardaşını döyməsini göstərib: “Mehralı Abbasov polis orqanlarında işləyirdi. 2000-ci ildə qardaşımı gözümün qarşısında döydü, bu, mənə çox pis təsir etdi. Onun pensiyaya çıxandan sonra Türkiyə ilə ticarətə başladığını, İstanbulda yaşadığını öyrəndim. Onunla danışmaq üçün bura gəldim, amma mənə də kobud davrandı. Həmin vaxt üstündəki tapançadan atəş açaraq, onu öldürdüm. Meyiti Bursaya gətirərək, Orxanqazi rayonunda yolun kənarına atdım”.
Qeyd edək ki, M . Abbasovun meyiti həmin vaxt tapılsa da, hadisəni törədənin kimliyi indiyədək müəyyənləşdirilməmişdi. Polis əməkdaşlarının telefon danışıqları ilə bağlı apardıqları araşdırma nəticəsində cinayətin üstü 10 il sonra açılıb.
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
