Rusiya təyyarələri Suriyada məktəb və xəstəxananı bombaladı
Suriyanın şimalında yerləşən Aazaz əyalətində yerləşən xəstəxana, məktəb və digər obyektlərin bombalanması nəticəsində, ilkin məlumatlara görə, 14 nəfər ölüb, 30 nəfər yaralanıb.
APA TV-nin "Euronews"a istinadən xəbərinə görə, hava hücumlarına məruz qalan ərazi Hələbin yaxınlığında, Türkiyə ilə sərhəddə yerləşir.
Ukraynada səfərdə olan Türkiyənin baş naziri Əhməd Davudoğlu aviazərbələrin Rusiya Hərbi Hava Qüvvələrinə məxsus qırıcılar vasitəsilə endirildiyini bəyan edib. Rəsmi Moskva isə Türkiyə tərəfinin bu ittihamlarına heç bir reaksiya verməyib.
Daha öncə də Rusiya dəfələrlə Suriyada yerləşən mülki obyektlərə və Bəşər Əsəd rejiminə qarşı döyüşən üsyançılara aviazərbələrdə ittiham olunub.
Öz növbəsində rəsmi Moskva Suriyadakı böhranın indiyədək həll olunmamasını Türkiyənin qeyri-konstruktiv addımları ilə əlaqələndirib.
Apa.tv
OXŞAR XƏBƏRLƏR
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
Rusiyadan Ermənistana Azərbaycandan tranzit keçməklə növbəti yük yola salındı
