“Texnikabank”ın əmanətçilərinə 123 milyon manat kompensasiya ödəniləcək
Sığorta hadisəsi baş vermiş “Texnikabank” ASC-nin qorunan əmanətçilərindən ərizələrin qəbuluna bu gündən etibarən agent bankların filiallarında başlanılıb.
Əmanətlərin Sığortalanması Fondunun icraçı direktoru Azad Cavadov bu gün keçirilən mətbuat konfransında deyib ki, bu bankın 20 340 qorunan əmanətçisinə 123 mln. 166 min 426 manat kompensasiya veriləcək.
“Biz hesablamalarımıza görə, bu bankın əmanətçilərinə 79 mln. manat verilməli idi. Bir ay 4 gün ərzində hesablamalar zamanı daha 43 mln. manat artıq oldu. Hazırda bu məlumatların dəqiqləşdirilməsi prosesi gedir”.
“Texnikabank”da əmanətləri olan şəxslər kompensasiyalarını almaq üçün “Muğanbank”, “Rabitə Bank”, “Unibank” və “Kapital Bank”a müraciət edərək müvafiq ərizə forması doldurmalıdır.
Apa.tv
OXŞAR XƏBƏRLƏR
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
