Suriyada bir həftəlik atəşkəs elan olundu
Münhendə Suriyaya dair keçirilən danışıqlarda tərəflər arasında bir həftə ərzində Suriyada atəşin dayandırılmasına dair razılıq əldə edilib.
APA TV-nin NBC telekanalına istinadən verdiyi xəbərə görə, bu barədə ABŞ dövlət katibi Con Kerri bildirib.
Suriyaya Dəstək Beynəlxalq Qrupunun yekun bəyanatında qeyd olunur ki, məsləhətləşmələrdən sonra müxalifət və hökumət razılaşdırılmış tədbirlərin icra ediləcəyinə dair üzərilərinə öhdəlik götürməlidirlər.
Bundan sonra bir həftə ərzində hərbi əməliyyatların dayandırılması nəzərdə tutulub.
Rusiya XİN rəhbəri Sergey Lavrov qeyd edib ki, atəşkəs rejimi BMT TŞ-i tərəfindən terror təşkilatları kimi tanınan qruplaşmalara şamil edilməyəcək.
Lavrov, həmçinin, ABŞ və Rusiya hərbçiləri arasında birbaşa təmasların qurulmasının vacib olduğunu vurğulayıb.
Almaniya XİN rəhbəri Frank Valter Ştaynmayer də öz növbəsində danışıqlar zamanı ABŞ və Rusiya hərbçilərinin Suriyada əlaqələndirilməsinin genişləndirilməsinə dair razılıq əldə olunduğunu bildirib.
Apa.tv
OXŞAR XƏBƏRLƏR
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
Bəyanatda Rusiya informasiya məkanında Azərbaycana qarşı təhdid xarakterli fikirləri pisləyib
