Tələbə yataqxanasına hücum: 50 ölü
Nigeriyanın şimal-şərqində kollec yataqxanasına silahlı hücum nəticəsində 50 tələbə öldürülüb. Hücumda "Boko Haram" hərəkatının üzvlərindən şübhələnirlər. Bu hərəkat Nigeriyanın şimalında şəriət qanunları ilə idarə olunan xəlifət yaradılmasını qarşısına məqsəd qoyub.
APA TV-nin məlumatına görə, hadisənin baş verdiyi Qujba kənd rayonunda kənd təsərrüfatı kolleci yerləşir. Hücum tələbələr yatan vaxt edilib. Kollecin əməkdaşı bildirib ki, təhlükəsizlik qüvvələri dağıntılar altından cəsədlərin çıxarılmasını davam etdirirlər.
Bu ilin mayında Nigeriya prezidenti Qudlak Conatan "Boko Haram" hərəkatına qarşı hərbi əməliyyatlara başlamaq əmri verib və o vaxtdan ölkənin şimal-şərqində fövqəladə vəziyyət edilib.
Son vaxtlar "Boko Haram"ın məktəblərə hücumları intensivləşib. İyunda terrorçuların məktəbə etdiyi hücum nəticəsində 40 nəfər ölmüşdü.
OXŞAR XƏBƏRLƏR
Emin Əmrullayev: “Ən böyük problemimiz oxudur”
Bəzi istiqamətlər üzrə müasir suvarma sistemlərinə 50%-dək güzəşt ediləcək
PISA-da riyazi savadlılıq üzrə Azərbaycanın neçənci yerdə olduğu açıqlanıb
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
"Azərbaycanın yaratdığı əməkdaşlıq irsinə əsaslanan model formalaşdıracağıq"
