Neft gün ərzində 1 dollara yaxın ucuzlaşıb
Dünya birjalarında xam neftin qiyməti yenə də ucuzlaşıb. APA TV-nin məlumatına görə, "Brent" markalı neft 24 saat ərzində təxminən 1 dollar ucuzlaşıb. Dünən 1 bareli 33,47 dollardan satılan "Brent" neftinin qiyməti bu gün səhər seanslarında 32,54 dollar olub. Qərbi Texas neftinin qiyməti isə uzun fasilədən sonra ilk dəfə 30 dollardan aşağı olub. Həftəyə 30,97 dollarla başlayan WTI nefti gün ərzində 1 dollardan çox dəyər itirib. Hazırda aprel ayı fyüçerslərində WTI markalı neftin qiyməti 29,72 dollar müəyyənləşib. Ekspertlər ABŞ-ın neft və benzin ehtiyatları açıqlandıqdan sonra qiymətlərin daha sürətlə aşağı düşəcəyini proqnozlaşdırır. Neft analitiklərinin əksəriyyəti bu gün açıqlanacaq hesabatlarda ehtiyatların həcminin artacağını ehtimal edirlər.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
