Gəncədə su maşını “Mitsubishi” ilə toqquşdu: 2 yaralı
Gəncədə iki nəfərin xəsarət alması ilə nəticələnən yol-nəqliyyat hadisəsi baş verib. APA TV-nin qərb bürosunun xəbərinə görə, hadisə bu gün səhər saatlarında şəhərin Gülüstan qəsəbəsində qeydə alınıb.
“QAZ 53” markalı su maşını “Mitsubishi” markalı avtomobillə toqquşub. Nəticədə “Mitsubishi”nin sürücüsü, Balakən rayon sakini, 1984-cü il təvəllüdlü Yadigar Əhmədov və sərnişini, 1986-cı il təvəllüdlü Asəf Amanov müxtəlif bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdirilib.
Həkim Şahin Quliyev: "Yaralılardan birinin sol əlində yüngül sıyrıqlar var idi. Digər xəstədə isə alın nahiyəsində çoxsaylı sıyrıqlar və qapalı kəllə beyin travması əlamətləri var idi. İlkin tibbi yardım göstərildikdən sonra xəstədə burun sümüyünün sınığı aşkar olunub".
Faktla bağlı Gəncə şəhər Baş Polis İdarəsində araşdırma aparılır.
Azər Məmmədli
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
