Ermənilər Ağdamda mülki vətəndaşı güllələdi
Ağdamda mülki vətəndaş erməni gülləsinə tuş gəlib. APA TV-nin Qarabağ bürosunun xəbərinə görə, hadisə rayonun Təzəkənd kəndi ərazisində baş verib.
Ağdam rayonunun Güllücə kənd sakini, 1958-ci il təvəllüdlü Məhəmməd Fərəc oğlu Fərəcov təsərrüfatında suvarma işləri apararkən ermənilərin avtomat silahdan atəş açması nəticəsində güllə yarası alıb.
Yaralı dərhal xəstəxanaya çatdırılıb. Həkimlər ilkin tibbi yardım göstərdikdən sonra məlum olub ki, güllə dərini cırıb, lakin daxilə keçməyib.
Zərərçəkənin sözlərinə görə, hadisə su suvararkən baş verib: "Su sulayırdım. Orda bir az yer götürmüşdüm ki, Allah qoysa, nəsə əkəm. Bir də gördüm güllə dəydi. Dəyən kimidə aşdım. Yıxılmasaydım, güllə burdan keçəcəkdi. Özü də ürəyimin üstündən. 5-6 güllə də böyrümə düşdü".
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
