Şəkidə iki nəfər sirkə turşusundan zəhərləndi
Şəkidə bir gündə biri azyaşlı olmaqla iki nəfər sirkə turşusundan zəhərlənib.
Şəki Rayon Mərkəzi Xəstəxanasından (RMX) APA TV-yə verilən məlumata görə, yanvarın 14-də axşam saat 21:50 radələrində Şəki şəhəri M.Ə.Rəsulzadə küçəsi, dalan 4, ev 13 ünvanında yaşayan, 1961-ci il təvəllüdlü Ramiz Şahid oğlu Həmzəyev zəhərlənmə əlamətləri ilə ağır vəziyyətdə xəstəxanaya daxil olub.
Həkim müayinəsi və araşdırması zamanı məlum olub ki, 54 yaşlı Ramiz Həmzəyev yaşadığı ünvanda sərxoş vəziyyətdə bilməyərək sirkə turşusu qəbul edib.
Xəstəxananın reanimasiya şöbəsinə yerləşdirilən Ramiz Həmzəyevin vəziyyəti hazırda ağır qiymətləndirilir.
Daha bir zəhərlənmə hadisəsi rayonun Kiş kəndində qeydə alınıb. Evdə nəzarətsiz qalan 2011-ci il təvəllüdlü Uğur Mənsur oğlu Şirinov soyuducudan sirkə turşusu götürərək içib. Azyaşlı valideynləri tərəfindən dərhal Bakı şəhərindəki xəstəxanalardan birinə aparılıb.
Hər iki faktla bağlı araşdırma aparılır.
Vüqar Heydərov
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
