Diyarbəkirdə silsilə partlayışlar: xeyli sayda ölən və yaralanan var
Türkiyənin Diyarbəkir vilayətində terrorçular təhlükəsizlik xidmətinin binasına partlayıcı quraşdırılmış maşın və avtomat silahlarla hücum ediblər.
Rəsmi məlumata görə, terror hücumu nəticəsində biri uşaq olmaqla 5 nəfər ölüb, 39 nəfər yaralanıb. Ölənlərdən ikisinin polis, üç nəfərin isə mülki vətəndaş olduğu bildirilir.
Terrorçular əvvəlcə partlayıcı quraşdırılmış maşını partladıb, ardınca isə təhlükəsizlik xidmətinin binasını atəşə tutublar. Təhlükəsizlik qüvvələri tərəfindən terrorçulara cavab atəşi açılıb.
Bildirilir ki, terrorçular eyni anda üç müxtəlif yerə - polis şöbəsi, jandarm idarəsi və polis əməkdaşlarının xidməti mənzillərinə hücum edib. Xəstəxanalara yerləşdirilən yaralılardan vəziyyəti ağır olanlar var.
Baş vermiş partlayış nəticəsində yaxınlıqda yerləşən bina uçub.
Silsilə terror aktlarının ardınca terrorçularla polis arasında atışma baş verib. Nəticədə 8 terrorçu öldürülüb, digərləri isə qaçmağa müvəffəq olub.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
