Saxta pul və narkotik satanlar həbs edildi
Baş Mütəşəkkil Cinayətkarlıqla Mübarizə İdarəsinə Şərur rayon sakini Röyal Nəsirovun saxta pulların satışı ilə məşğul olması barədə məlumat daxil olub.
APA TV-nin xəbərinə görə, keçirilən əməliyyat zamanı R.Nəsirov 2000 manat saxta əsginası 700 ABŞ dollarına satan zaman saxlanılıb.
Əməliyyat-axtarış tədbirlərinin davamı olaraq onun Nərimanov rayonunda kirayə yaşadığı mənzilə baxış keçirilib və oradan ümumilikdə 8485 manat, o cümlədən 36 ədəd 100 manatlıq, 65 ədəd 50 manatlıq, 72 ədəd 20 manatlıq və 39 ədəd 5 manatlıq saxta əsginas aşkar olunaraq götürülüb.
Baş İdarə əməkdaşlarının keçirdiyi növbəti uğurlu əməliyyat zamanı külli miqdarda narkotik maddənin dövriyyəyə buraxılmasının qarşısı alınıb. Siyəzən rayon sakini Röyal İlyasov 5 kiloqramdan artıq marixuananı 30000 manata satmaq istəyən zaman saxlanılıb.
Baş İdarə əməkdaşlarının keçirdiyi daha bir əməliyyat zamanı isə Xaçmaz rayon sakini Cəlal Məmmədova hədə-qorxu gələrək, ondan 3000 manat tələb edən Sumqayıt şəhər sakini Mehman Məmmədov paytaxtın Nizami rayonunda həmin məbləği alarkən tutulub.
Qeyd edilən faktlarla bağlı Baş İdarənin İstintaq Şöbəsində cinayət işləri başlanıb, araşdırmalar davam etdirilir.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
