Göyçayda üçqulaqlı buzov doğulub
Göyçay rayonundakı fərdi mal-qara təsərrüfatlarının birində qeyri-adi hadisə baş verib. APA TV-nin yerli bürosunun xəbərinə görə, rayonun Yekəxana kənd sakini Cavanşir Hüseynovun fərdi təsərrüfatında yeni doğulan üçqulaqlı buzov hamının marağına səbəb olub.
Cavanşir Hüseynovun sözlərinə görə, 40 ilə yaxındır ki, heyvandarlıqla məşğul olsa da belə bir maraqlı hadisəyə ilk dəfə rast gəlir.
O, səhər saatlarında tövləyə daxil olarkən inəyin yanında yeni doğulan balasını görərək sevinib. Amma buzovun üç qulağının olması ev sahibində maraq doğurub. O, bununla bağlı baytar həkimə müraciət edib. Həkimin sözlərinə görə, heyvandarlıq təsərrüfatlarında hər 1000 heyvandan birində bu cür anormal hala rast gəlmək mümkündür.
Qeyd edək ki, buzov fiziki cəhətdən qüsurlu olsa da, onun qidalanmasında heç bir problem yoxdur.
Elvin Yaqubov
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
