Bakıda 27 yaşlı gənci bıçaqladılar: yaralı xəstəxanadan qaçdı
Bakıda tanışlar arasında mübahisə qanlı sonluqla bitib. APA-nın məlumatına görə, hadisə bu gecə paytaxtın Nizami rayonu ərazisində, Məmmədəli Şərifli küçəsində qeydə alınıb.
Həmin küçədəki 82 saylı binanın 15-ci mənzilində yaşayan 27 yaşlı Rəşad Xanməmmədovu İlqar adlı tanışı aralarında yaranmış mübahisə zəminində bıçaqlayıb. Yaralı özü təcili tibbi yardıma zəng edib. Təcili tibbi yardım briqadası Rəşad Xanməmmədovu 3 saylı Şəhər Klinik Xəstəxanasına çatdırıb. İlkin baxış zamanı onda döş qəfəsinin sol yarısının kəsilmiş-deşilmiş yarası aşkarlanıb. Buna baxmayaraq, yaralı müalicədən imtina edib. Həkimlər Rəşad Xanməmmədovu xəstəxanada saxlaya bilməyiblər və o, naməlum istiqamətdə gedib.
Hadisə ilə bağlı Nizami Rayon Polis İdarəsinə məlumat verilib. Faktla bağlı araşdırma aparılır.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
