Göygöldə meşədə qətl: brakonyer gözətçini öldürdü
Göygöl rayonunda qətl törədilib. APA TV-nin qərb bürosunun məlumatına görə, hadisə yanvarın 10-da saat 14:00 radələrində rayonun Şəhriyar kəndi yaxınlığında meşədə qeydə alınıb.
Rayonun Gəncə qəsəbə sakini, 1988-ci il təvəllüdlü Əliyev Rəşad Qəşəm oğlunun üzərində 5 bıçaq xəsarəti olan meyiti aşkar olunub. Göygöl Rayon Prokurorluğu və Göygöl Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində qətli törətməkdə şübhəli bilinən şəxs saxlanılıb.
Göygöl rayon prokurorunun köməkçisi Vasif Süleymanov bildirib ki, cinayəti törətməkdə şübhəli bilinən Göygöl rayon Şəhriyar kənd sakini, 1995-ci il təvəllüdlü Sayfronov Şaxsaid Saynazaroviç Göygöl rayon Polis Şöbəsinin əməkdaşları tərəfindən şübhəli şəxs qismində saxlanılıb. Fakt üzrə Cinayət Məcəlləsinin 120.1 maddəsi ilə cinayət işi açılıb, istintaq aparılır.
Məlumata görə, Rəşad Əliyev meşə gözətçisinin köməkçisi, Şaxsaid Sayfronov isə meşə brakonyeri olub. Mərhum meşədə qanunsuz ağac kəsilməsinin qarşısını alarkən 5 bıçaq zərbəsi ilə qətlə yetirilib.
Faktla bağlı Göygöl rayon Prokurorluğunda cinayət işi açılıb, araşdırma aparılır.
Azər Məmmədli
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
