Füzulidə dəhşətli qətl: arvadını övladının gözü önündə bıçaqladı
Füzulinin Bala Bəhmənli kəndində ər arvadını övladının gözü önündə qətlə yetirib.
APA TV-nin xəbərinə görə, 1978-ci il təvəllüdlü Gəncəvi Zöhrab oğlu Sadıqov həyat yoldaşı, 1984-cü il təvəllüdlü Vüsalə Hidayət qızı Əsədovanı ailə münaqişəsi zəminində amansızlıqla öldürüb.
Ailə üzvləri Gəncəvinin spirtli içki aludəçisi olduğunu deyir. Münaqişə Gəncəvinin Vüsalədən pul istəməsi ilə başlayıb. Qadın çörək bişirdiyi üçün gözləməsini desə də, qəzəbli ər bıçaqla arvadının boğaz nahiyəsinə zərbə endirib. Qızı anasının köməyinə gəlsə də, ona yardım edə bilməyib.
Gəncəvi Sadıqov qətli törətdikdən sonra heç nə olmamış kimi kənddəki kafelərdən birinə gedib və içki sifariş edib. Polis əməkdaşları onu elə kafedə tutublar.
Faktla bağlı Füzuli Rayon Prokurorluğunda cinayət işi başlanılıb, araşdırma aparılır.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
Minlərlə manat ödədilər, nə təhsil ala bildilər, nə də pullarını – AİD Group qalmaqalı
Prezident Böyük Britaniyanın yeni səfirinin etimadnaməsini qəbul edib
