Türkmənistanda tapılan iki neftçinin meyiti ailələrinə təhvil verildi
"Günəşli" yatağındakı 10 saylı dərin dəniz özülündə baş vermiş qəza nəticəsində itkin düşən neftçilərin ikisinin meyiti ailələrinə təhvil verilib.
Bu barədə "APA-Economics"ə SOCAR-ın "Azneft" İstehsalat Birliyindən məlumat verilib.
Məlumata görə, bu gün neftçi Əzizağa Nöhbala oğlu Quliyev Bakının Zirə qəsəbəsindəki qəbiristanlıqda dəfn olunub. Digər neftçi Adil Ələkbər oğlu Abdullayevin dəfn mərasimi isə Novxanı qəbiristanlığında baş tutacaq.
Xatırladaq ki, Fövqəladə Hallar Nazirliyinin yaydığı məlumata əsasən, yanvarın 4-də "Günəşli" yatağındakı 10 saylı dərin dəniz özülündə baş vermiş qəza nəticəsində itkin düşənlərdən daha ikisinin meyiti Xəzər dənizinin Türkmənistan sektorunda aşkar edilib.
Məlumat daxil olduqdan sonra meyitlərin gətirilməsi üçün dünən səhər Türkmənistana yola düşən FHN-in “BE-200ÇS” amfibiya tipli təyyarəsi geri qayıdıb. Neftçilər Əzizağa Nöhbala oğlu Quliyev və Adil Ələkbər oğlu Abdullayevin nəşləri Vətənə gətirilib və aidiyyəti üzrə təhvil verilib.
Apa.tv
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
