Lənkəranda maşın motosikleti vurdu: ölən və yaralanan var
Lənkəranda ölümlə nəticələnən ağır yol-nəqliyyat hadisəsi baş verib. APA TV-nin cənub bürosunun məlumatına görə, hadisə Lənkəran-Boradigah şosesinin rayonun Separadi kəndindən keçən hissəsində qeydə alınıb.
Masallı rayonunun Mahmudavar kənd sakini, 28 yaşlı Amid Dünyamalı oğlu Dostəliyevin idarə etdiyi “VAZ-21015” markalı avtomobili Lənkəranın Separadi kənd sakini, 61 yaşlı Ayaz Salayevin idarə etdiyi “Muravey” markalı motosikletlə toqquşub.
Güclü zərbədən motosikletin sürücüsü aldığı xəsarətlərdən hadisə yerində dünyasını dəyişib. Motosikletin qoşqu yerində əyləşmiş sürücünün yaxın qohumu, rayonun Boladi kənd sakini, 43 yaşlı Həmzə İspərov isə müxtəlif dərəcəli bədən xəsarətləri alıb. O, Lənkəran Mərkəzi Rayon Xəstəxanasına yerləşdirilib.
Faktla bağlı Lənkəran Şəhər-Rayon Polis Şöbəsində cinayət işi açılıb, araşdırma aparılır.
OXŞAR XƏBƏRLƏR
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
Rusiyadan növbəti təxribat: jurnalist avantürasına məmurları da qoşublar
