Oğurladığı əşyaları taksi ilə daşıdı
Abşeron rayonunda oğurluq hadisəsi baş verib.
APA TV-nin xəbərinə görə, Ceyranbatan qəsəbə sakini Nurlan Əmirli Abşeron Rayon Polis İdarəsinə ərizə ilə müraciət edərək bildirib ki, qəsəbədə yerləşən ona məxsus yarımtikilidən 900 manat dəyərində tikinti materialları oğurlanıb.
Polis əməkdaşlarının apardığı əməliyyat tədbirləri nəticəsində oğurluğu törədənin kimliyi məlum olub. Müstəntiq Xəyyam Rüstəmovun sözlərinə görə, saxlanılan Roman Qasımov əvvəllər də oğurluq etdiyi üçün məhkumluq həyatı yaşayıb.
Roman Qasımov: "Getdim, içkili idim. Bir az da narkotik istifadə etmişdim, ev idi, pəncərədən daxil oldum".
Əvvəllər iki dəfə oğurluğa görə məhkumluq həyatı yaşayan Roman Qasımov təmir-tikinti alətlərinin hamısını bir araya yığdıqdan sonra taksi çağırıb: "Götürdüm taksiyə qoydum, gətirdim 8-in bazarına. Gördüm biri drel axtarır, dedim məndə var. Soruşdu oğurluq deyil. Dedim yox, özümündü. Razılaşdıq, satdım ona".
Roman bütün bu əməlləri narkotikə olan tələbatını ödəmək üçün törətdiyini bildirib. Abşeron Rayon Polis İdarəsinin əməliyyatçıları onun digər cinayət əməllərinin olduğunu da istisna etmir. Faktla bağlı araşdırma aparılır.
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
