Rusiya Suriyada ikinci hərbi hava bazası tikir
Rusiya Suriyada ikinci hərbi hava bazası tikir. APA TV-nin Böyük Britaniyanın "Times" qəzetinə istinadən məlumatına görə, yeni bazanın tikintisi üçün Hums şəhəri yaxınlığında yerləşən bazaya hərbi personal və avadanlıq göndərilib.
Əl-Şayrat bazasının Rusiyanın istifadəsinə verildiyini yazan qəzet qeyd edir ki, "əl-Şayrat əvvəldən Rusiyanın hücum helikopterlərinin endiyi yerdir. Ancaq təxminən bir ay öncə hərbi hava bazasına gələn yeni hərbi personal daha geniş miqyaslı bazanın tikilməsinə başlayıb".
Yerli mənbələrə görə, hazırda əl-Şayratda 50-60 Rusiya hərbçisi var. Əsgərlər üçün mənzillər hazırlanıb. Ancaq Hums yaxın olduğu üçün bəzi hərbçilər burda qalır. Bildiyimiz qədəri ilə bazada 10-15 təyyarə var.
Yeni hərbi hava bazasının tikilməsi ilə Rusiyanın Suriyadakı təyyarə sayını iki dəfə artıracağı, bazaya aralarında xüsusi təyinatlıların da olduğu toplam 1000 hərbçinin gətiriləcəyi qeyd olunur.
Əl-Şayrat bazasında 45 təyyarə anqarının olduğu, anqarların bombardmanlara qarşı davamlılığı ilə seçildiyi bildirilir.
Apa.tv
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
