İsmayıllıda ailəvi istirahət mərkəzi yandı
İsmayıllı rayonunda yanğın hadisəsi baş verib. APA TV-nin yerli bürosunun xəbərinə görə, hadisə İsmayıllı-Qəbələ avtomobil yolunun kənarındakı “Orman” ailəvi istirahət mərkəzində qeydə alınıb.
1977-ci il təvəllüdlü İsmayıllı sakini Rəhmanov Elman Akif oğluna məxsus istirahət mərkəzinin saunasında baş verən yanğının söndürülməsi üçün əraziyə FHN-in İsmayıllı Dövlət Yanğından Mühafizə Hissəsinin iki yanğınsöndürən maşını və canlı qüvvəsi cəlb olunub. Hadisə zamanı ümumi sahəsi 20 kv. metr olan taxtadan hazırlanmış sauna yanaraq yararsız hala düşüb. Yanğının yaxınlıqdakı tikililərə keçməsinin qarşısı alınıb. Hadisə zamanı xəsarət alan olmayıb.
Yanğının saunadakı odun sobasının tüstü borusunun düzgün quraşdırılmaması səbəbindən baş verdiyi bildirilir. Faktla bağlı araşdırma aparılır.
Elvin Yaqubov
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
