Dekabrda keçiriləcək Rusiya-Türkiyə sammiti ləğv olundu
Dekabrda Sankt-Peterburqda keçirilməsi planlaşdırılan Rusiya-Türkiyə sammitinin ləğv olunması barədə qərar qəbul edilib.
APA TV-nin məlumatına görə, bu barədə “Kommersant” qəzeti Kremlə yaxın mənbələrə istinadən yazıb. Yazıda deyilir ki, Rusiya hökuməti sammitin ləğvi qərarına gəlib.
Qeyd edək ki, noyabrın 24-də Rusiya prezidentinin mətbuat katibi Dmitri Peskov bəyan etmişdi ki, Rusiya-Türkiyə sammitinin ləğv olunması məsələsi gündəmdə olmasa da, tədbirin keçirilməsi bir sıra amillərdən asılı olacaq. Türkiyə Prezident Administrasiyasının nümayəndəsi isə, öz növbəsində R.T.Ərdoğanın sammitdə iştirakı perspektivlərinin qeyri-müəyyənliyini vurğulamışdı.
Dekabrın 15-də Peterburqda yüksək səviyyədə Rusiya-Türkiyə Dövlətlərarası Komissiyasının iclasının keçiriləcəyi planlaşdırılırdı. Bu barədə Vladimir Putin və Rəcəb Tayyip Ərdoğan Antalyada G20 sammitində razılığa gəlmişdilər.
Apa.tv
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
