Hacıqabulda "Niva" aşdı: 1 ölü, 3 yaralı
Hacıqabulda 1 nəfərin ölümü, 3 nəfərin xəsarət alması ilə nəticələnən yol-nəqliyyat hadisəsi baş verib.
APA TV-nin Mil-Muğan bürosunun məlumatına görə, noyabrın 5-də 23.00 radələrində Hacıqabul rayonunun Muğan qəsəbəsində Quba rayonunun Qarxun kənd sakini, 1977-ci il təvəllüdlü Qabil Güləli oğlu Rəhimov idarə etdiyi “Niva” markalı avtomobili aşırıb. Nəticədə sürücü Şirvan şəhər xəstəxanasının reanimasiya şöbəsində ölüb.
Avtomobildə olan sərnişinlər - Quba rayonunun Qarxun kənd sakini, 1989-cu il təvəllüdlü Mətləb Səfərbala oğlu Fərəcov, Quba rayonunun Adur kənd sakini, 1978-ci il təvəllüdlü Sahib Nəsrulla oğlu Həsənov və Şirvan sakini, 1981-ci il təvəllüdlü Afaq Hacı qızı Orucova müxtəlif bədən xəsarətləri ilə Şirvan şəhər xəstəxanasının travmatologiya şöbəsinə yerləşdirilib.
Faktla bağlı Hacıqabul rayon Polis Şöbəsində araşdırma aparılır.
Apa.tv
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
